ကြိုတင်မဲများကို အမှန်ခြစ်စနစ်ဖြင့်သာ မဲပေးခွင့်ပြုမည်ဟု ရွေးကောက်ပွဲကော်မရှင်ဆို

၂၀၁၅ အထွေထွေရွေးကောက်ပွဲတွင် မဲရုံများ၌ လာရောက်မဲပေးသူများအတွက် တံဆိပ်တုံးထု မဲပေးစနစ်ကိုပြောင်းလဲအသုံးပြုမည်ဖြစ်သောလည်း ကြိုတင်မဲများကိုမူ အမှန်ဖြစ်ဖြင့်သာ မဲပေးခွင့်ပြုမည်ဖြစ်ကြောင်း ပြည်ထောင်စုရွေးကောက်ပွဲကော်မရှင် 
ညွန်ကြားရေးမှူး ဦးသောင်းလှိုင်က ပြောကြားသည်။
 
သြဂုတ်လ ၃၁ ရက်နေ့ PARK ROYAL ဟိုတယ်တွင် ပြုလုပ်သော ပြည်ထောင်စု ရွေးကောက်ပွဲ ကော်မရှင် နှင့် အရပ်ဘက်အဖွဲ့အစည်းများတွေ့ဆုံပွဲတွင် ၄င်းကယင်းသို့ပြောဆိုခြင်းဖြစ်သည်။ 
 
ပြည်ပသို့ ရောက်ရှိသူများကြိုတင်မဲပေးရာတွင် တံဆိပ်တုံးထုမဲပေးစနစ်ကို အသုံးပြုပါက တံဆိပ်တုံး မလောက်ငသော ပြဿနာများပေါ်ပေါက်လာနိုင်သောကြောင့် ယင်းသို့ညွှန်ကြားထားခြင်းဖြစ်ကြောင်း၎င်းက ထပ်လောင်းရှင်းပြသည်။