ပုပ်သိုးအမဲသားများဖြင့် ထုတ်လုပ်နေသော အမဲခြောက်လုပ်ငန်းများကို FDA ပိတ်

မန္တလေးတိုင်းဒေသကြီး၊ရမည်းသင်းမြို့နယ်ရှိ အသားခြောက်လုပ်ငန်းများကို ရှောင်တခင် ၀င်ရောက်စစ်ဆေးရာတွင် လုပ်ငန်းလိုင်စင်မရှိသည့်

အပြင် ပုပ်သိုးအမဲသားများနှင့် ပြုလုပ်ထားပြီး အများပြည်သူစားသုံးရန်မသင့်သည်ကို စစ်ဆေးတွေ့ရှိရသည့်အတွက်  အရေးယူမည်ဖြစ်ကြောင်း ရမည်းသင်းမြို့နယ် စည်ပင်သာယာရေးကော်မတီ ဥက္ကဌ ဦးပေါ်လွင်က ပြောကြားသည်။

 

 

အဆိုပါမြို့နယ်အတွင်း ရပ်ကွက်များ၌ အသားခြောက်လုပ်ငန်းအချို့သည် ပတ်ဝန်းကျင်ကို အနံ့ဆိုးများဖြင့် အနှောင့်အယှက်ဖြစ်စေသည်ဟူသော တိုင်ကြားချက်ရရှိသည့်အတွက် ပြီးခဲ့သည့် ဇူလိုင်လ ၁၅ ရက်နေ့က သက်ဆိုင်ရာဌာနတာဝန်ရှိသူများက မြို့တွင်းကွင်းဆင်းစစ်ဆေးခဲ့ရာ လုပ်ငန်းငါးခုမှာ လုပ်ငန်းလိုင်စင်မရှိကြောင်း တွေ့ရှိရသဖြင့် စည်ပင်သာယာရေးဥပဒေဖြင့်ပါ အရေးယူမည်ဖြစ်ကြောင်း ၎င်းကပြောဆိုသည်။

 

 

လတ်တလောတွင် စစ်ဆေးတွေ့ရှိချက်များအရ အသားခြောက်များမှာ အများပြည်သူစားသုံးရန်  မသင့်လျော်သည့်အတွက် ယင်းလုပ်ငန်းလုပ်ကိုင်ခွင့်ကို ပိတ်သိမ်းထားပြီး သက်ဆိုင်ရာအရေးယူမှုများ ဆောင်ရွက်မည်ဖြစ်ကြောင်း စစ်ဆေးရေးအဖွဲ့ထံမှ သိရသည်။

 

 

Credit - The VOICE Daily