မြန်မာနိုင်ငံ၏ ပထမဆုံး နေရောင်ခြည်သုံး လျှပ်စစ်စက်ရုံ ၂၀၁၈ တွင် ဓာတ်အားစပေးမည်

မြန်မာအစိုးရနှင့်   ထိုင်းကုမ္ပဏီတို့ ပူးပေါင်းပြီး မကွေးတိုင်းမင်းဘူးမြို့နယ်ရှိ လျှပ်စစ်စီမံကိန်းမှ နေရောင်ခြည်သုံးလျှပ်စစ်စွမ်းအင်ကို ၂၀၁၈

နှစ်လယ်ပိုင်းတွင် ပထမအဆင့်အဖြစ် စတင်ထုတ်လုပ်မည်ဖြစ်ကြောင်း လျှပ်စစ်နှင့်စွမ်းအင်ဝန်ကြီးဌာနထံမှသိရသည်။

 

ယင်းစီမံကိန်းမှ လျှပ်စစ်ဓာတ်အားမဂ္ဂါဝပ် ၁၇၀ ကို ထုတ်လုပ်မည်ဖြစ်ပြီး ၂၀၁၈ ဇူလိုင်လတွင် မဂ္ဂါဝပ် ၄၀ ကို စတင်ထုတ်လုပ်ခြင်းဖြစ်သည်။နောက်နှစ်တွေမှာ ၄၀ မဂ္ဂါဝပ်ကို လေးနှစ်စီမံကိန်းနဲ့  အဆင့်ဆင့်ထုတ်သွားမှာပါဟု လျှပ်စစ်ဓာတ်အားထုတ်လုပ်ရေးလုပ်ငန်း အင်ဂျင်နီယာချုပ် ဒေါက်တာမောင်မောင်ကျော်က ဆိုသည်။

 

မင်းဘူးမြို့နယ်မှ ၁၆ မိုင်အကွာတွင်ရှိသော နေရောင်ခြည်စွမ်းအင်သုံး လျှပ်စစ်ဓာတ်အား ထုတ်လုပ်ရေးစီမံကိန်းမှ ထွက်ရှိသည့်ဓာတ်အားကို မင်းဘူးမြို့နယ်နှင့်ရခိုင်ပြည်နယ် အမ်းမြို့နယ်သို့ ဆက်သွယ်ပေးသည့် ၂၃၀ ကေဗီဓာတ်အားလိုင်းမှတစ်ဆင့် နိုင်ငံတော်မဟာဓာတ်အားလိုင်းစနစ်သို့ ထည့်သွင်းမည်ဖြစ်သည်။

 

 

Credit - The VOICE Daily