ဒီမိုကရေစီစနစ်မှာ “မလုပ်၊ မရှုပ်၊ မပြုတ်”အတွေးအခေါ်အတွက် နေရာမရှိနိုင်လို့နိုင်ငံတော်၏အတိုင်ပင်ခံပုဂ်္ဂိုလ်ပြော

ဒီမိုကရေစီ စနစ်မှာမလုပ်၊မရှုတ်မပြုတ်အတွေးအခေါ်အတွက် နေရာမရှိနိုင်ဘူးလို့ နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်က
ပြောကြားလိုက်ပါတယ်။
 
 
ဇူလိုင်လ(၁၀)ရက်ကနေပြည်တော်မှာရှိတဲ့UMICC-2  မှာပြုလုပ်ခဲ့တဲ့ မြန်မာနိုင်ငံ၊ နိုင်ငံ့ဝန်ထမ်းပြုပြင်ပြောင်းလဲမှုဆိုင်ရာ မဟာဗျူဟာစီမံချက်အား ထုတ်ပြန်ကြေညာသည့် အခမ်းအနားနှင့် ဖွံ့ဖြိုးဆဲနိုင်ငံများမှ နိုင်ငံဝန်ထမ်းများ၏ ယုံကြည်ချက်၊ခံယူချက်နှင့်စိတ်ဓါတ်မြင့်မား တက်ကြွ လာစေရေးအတွက် ကမ္ဘာ့နိုင်ငံများမှ သတ်မှတ်ကျင့်သုံးသည့် နည်းလမ်းများကို လေ့လာဆွေးနွေးခြင်းနှင့် ပြည်သူ့ဝန်ထမ်းများအားလုပ်ငန်းခွင်တွင် စိတ်အားထက်သန်တက်ကြွစွာဖြင့် ၀န်ဆောင်မှုပေးနိုင်ရေး လှုံ့ဆော်မြှင့်တင်ပေးခြင်း အသိပညာမျှဝေမှုဖိုရမ်မှာ ပြောကြားလိုက်တာပါ။
 
နိုင်ငံဝန်ထမ်းတွေအနေနဲ့အစိုးရရဲ့လုပ်ငန်းအစီအစဉ်တွေကိုအကောင်အထည်ဖော်ရာမှာ သမာသမတ်ရှိရှိ လုပ်ငန်းတာဝန်သိသိ၊အသိညဏ်ပါပါ၊နိုးနိုးကြားကြား၊တက်တက်ကြွကြွနဲ့ ဆောင်ရွက်ကြ ဖို့လဲမှာကြားခဲ့ပြီး၊မိမိတို့နိုင်ငံက၀န်ထမ်းတွေဟာ မျှော်လင့်ချက်တွေ ပြည့်ဝလာအောင် အကောင်အထည် ဖော်ပေးနိုင်ယုံသာမက ကမ္ဘာပေါ်မှာအထက်မြက်ဆုံးဝန်ထမ်းကောင်းတွေ ဖြစ်လာနိုင်တဲ့အလားအလာတွေ ရှိကြောင်း ပြောကြားခဲ့ပါတယ်။
 
 
ဒါ့အပြင် မြန်မာနိုင်ငံနိုင်ငံ့ဝန်ထမ်းတွေ ပြုပြင်ပြောင်းလဲမှုဆိုင်ရာ မဟာဗျုဟာစီမံချက်ရဲ့ အဓိကစိန်ခေါ်မှုကတော့  အဂတိလိုက်စားမှုဖြစ်ပြီး ကောင်းမွန်တဲ့အုပ်ချုပ်မှုနဲ့ပြည်သူဝန်ထမ်းယန္တရား တစ်ခုလုံးရဲ့ဂုဏ်ရှိမှုတို့ကို တိုက်စားဖျက်ဆီးနိုင်ကာ ဒီမိုကရေစီရဲ့ဗဟိုမူဖြစ်တဲ့ ပြည်သူကိုယ်စားပြုတဲ့ အုပ်ချုပ်ရေးကိုထိပါးစေတယ်လို့ဆိုပါတယ်။ဒါ့ကြောင့်အဂတိလိုက်စားနိုင်မှု အခွင့်အလမ်းနည်းပါးအောင် ဆောင်ရွက်ဖို့ အစီအစဉ်တွေလည်း ထည့်သွင်းဆောင်ရွက်ထားတယ်လို့ ထပ်လောင်းပြောကြားခဲ့ပါတယ်။