အာဇာနည်နေ့တွင် အတွင်းဝန်ရုံးနေရာအချို့ကို ပိုမိုဝင်ရောက် လည်ပတ်ခွင့်ပေးသွားမည်

အခုလာမယ့် ဇူလိုင်လ(၁၉) ရက်မှာကျရောက်မယ့်  နှစ်(၇၀)မြောက်အာဇာနည်နေ့မှာ အတွင်းဝန်ရုံးကို အများပြည်သူများအတွက်

ဖွင့်လှစ်ပေးသွားမှာဖြစ်ပြီး အတွင်းဝန်ရုံးရဲ့နေရာအချို့ကို ပိုမိုဝင်ရောက် လည်ပတ်ခွင့်ပေးသွားမယ်လို့ သိရပါတယ်။ 

 

 

အာဇာနည်နေ့မှာ အတွင်းဝန်ရုံးရဲ့အထိမ်းအမှတ်နေရာတွေဖြစ်တဲ့ ပါလီမန် အဆောက်အဦး အထိမ်းအမှတ်ကျောက်တိုင်ကိုသာ ယခင်က အများပြည်သူများ ကြည့်ရှုနိုင်အောင် ဖွင့်လှစ်ပြသတာဖြစ်ပြီး ယခုနှစ်မှာတော့ ဗိုလ်ချူပ်တို့လုပ်ကြံခံရတဲ့အစည်းအဝေးခန်းမကို ပါအများပြည်သူကြည့်ရှုနိုင်အောင်ဖွင့်လှစ်ပေးသွားမှာ ဖြစ်တယ်လို့သိရပါတယ်။

 

 

ဒါ့အပြင် အာဇာနည်နေ့ အထိမ်းအမှတ်အနုပညာ ပန်းချီပြပွဲကိုပါ ထည့်သွင်းကျင်းပသွားမှာ ဖြစ်တယ်လို့ အတွင်းဝန်ရုံး ထိန်းသိမ်းစောင့်ရှောက်ရေးအဖွဲ့ထံမှ သိရပါတယ်။

 

အခုလာမယ့် အာဇာနည်နေ့အတွက် အတွင်းဝန်ရုံးကို  ကြံ့ခိုင်မှုရှိစေရေးအတွက် ကြိုတင် ပြင်ဆင်မှုတွေပြုလုပ်နေပြီး ဇူလိုင်လ(၁၉) ရက်အာဇာနည်နေ့မှာအတွင်းဝန်ရုံးကို  မနက်ရှစ်နာရီခွဲ ကနေ ညနေလေးနာရီအချိန်ထိ အများပြည်သူများ ၀င်ရောက်လေ့လာနိုင်ဖို့ ဖွင့်လှစ်ပေးမှာ ဖြစ်တယ်လို့ သိရပါတယ်။