မြန်မာ့ဆင်ပြခန်း အောက်တိုဘာလတွင် စတင်တည်ဆောက်မည်

မြန်မာနိုင်ငံရဲ့ ပထမဆုံးမြန်မာ့ဆင်ပြခန်းကို အခုလအတွင်းမှာစတင် တည်ဆောက်မယ်လို့ ရန်ကုန်တိရစ္ဆာန်ဥယျာဉ် သဘာဝသမိုင်းပြတိုက်၊ သစ်တောဦးစီးဌာနက သိရပါတယ်။

ရန်ကုန်တိရစ္ဆာန်ဥယျာဉ် သဘာဝသမိုင်းပြတိုက်၊သစ်တောဦးစီးဌာန၊သဘာဝပတ်ဝန်းကျင်နှင့် သားဌက်တိရစ္ဆာန်ထိန်းသိမ်းရေးဌာန၊မြန်မာ့သစ်လုပ်ငန်းနဲ့ ကမ္ဘာလုံးဆိုင်ရာ သဘာဝပတ်ဝန်းကျင်ရန်ပုံငွေအဖွဲ့(WWF)တို့က ပူးပေါင်းဆောင်ရွက်နေတဲ့ မြန်မာ့ဆင်ပြခန်းကို ရန်ကုန်တိရစ္ဆာန်ဥယျာဉ်မှာရှိတဲ့ သဘာဝသမိုင်းပြတိုက်အတွင်းမှာ တည်ဆောက်သွားဖို့အတွက် သက်ဆိုင်ရာတာဝန်ရှိသူတွေက စီစဉ်နေတာဖြစ်ပါတယ်။

ပြခန်းမှာဆင်ကျောက်ဖြစ်ရုပ်ကြွင်းမျိုးစိတ်များ၊ဆင်ရိုးစုနဲ့ဆင်စွယ်များ၊ဆင်စာအုပ်နဲ့မှတ်တမ်းများ၊ဆင်ချပ်ဝတ်တန်ဆာ၊ခလောက်၊စတဲ့ ဆင်အသုံးအဆာင်ပစ္စည်းများ၊ဆင်သရေများ၊ဆင်ထိန်းသိမ်းစောင့်ရှောက်တဲ့ ရုပ်သေမှတ်တမ်းများ၊ဆင်နှင့် သဘာဝပတ်ဝန်းကျင် အပြန်အလှန်အကျိုးပြုမှု ပန်းချီကားများ ရှေးမြန်မာနန်းတွင်းရဲ့ ဆင်အသုံးပြုပုံများ စတာတွေကို ခင်းကျင်းပြသသွားမှာဖြစ်တယ်လို့ သိရပါတယ်။

ဆင်ပြခန်းကို နောင်တစ်ချိန်မှာ မျိုးတုန်းပျောက်ကွယ်သွားနိုင်တဲ့ မြန်မာဆင်တွေရဲ့ သမိုင်းအကြောင်း၊အလေ့အထများနဲ့ဆင်တွေရဲ့အသုံးဝင်ပုံများ၊ဆင်တွေရဲ့ လက်ရှိမျာတွေ့ကြုံနေရတဲ့ အခက်အခဲတွေကို ပြည်သူတွေ လေ့လာသိရှိနိုင်စေဖို့ အတွက် ရည်ရွယ်ဖွင့်လျစ်မှာဖြစ်တယ်လို့ သိရပါတယ်။

မြန်မာ့ဆင်ပြခန်းကို ၂၀၁၈ ခုနှစ် ဒီဇင်ဘာလတွင်းမှာအပြီးသတ် တည်ဆောက်သွားမှာဖြစ်ပြီး၊၂၀၁၉ ခုနှစ် ပထမ တစ်ပတ်မှာ အများပြည်သူလာရောက်ကြည့်ရှူလေ့လာနိုင်ဖို့ ဖွင့်လှစ်ပြသသွားမှာဖြစ်တယ်လို့ သိရပါတယ်။