မြောက်ကိုရီးယား၏ခြိမ်းခြောက်မှု ကမ္ဘာလုံးဆိုင်ရာတုံ့ပြန်ရန်လိုဟု NATO ဆို

မြောက်ကိုရီးယား၏ နျူကလီးယားနှင့်ဒုံးကျည်အစီအစဉ်သည် တစ်ကမ္ဘာလုံးအတွက် အန္တရာယ်ကြီးမားသည့်ခြိမ်းခြောက်မှုတစ်ရပ်ဖြစ်ပေရာ ကမ္ဘာလုံးဆိုင်ရာတုံ့ပြန်မှုတစ်ရပ်ပြုလုပ်ရန်လိုအပ်သည်ဟု
NATO စစ်အဖွဲ့၏ အထွေထွေအတွင်းရေးမှူး ဂျန်းစ်စတိုလန်ဘဂ်က သတိပေးချက်ထွက်ပေါ်လာကြောင်းနှင့် အကယ်၍၀န်ရှင်တန်အစိုးရက ပိုမိုတင်းကျပ်သည့် ကုလသမဂ္ဂဒဏ်ခတ်အရေးယူမှုများပြုလုပ်လာမည်ဆိုပါက
အမေရိကန်ပြည်ထောင်စုအပေါ်ကြီးမားသည့် အနာတရဖြစ်အောင် လုပ်ဆောင်သွားမည်ဟု မြောက်ကိုရီးယားအစိုးရက သတိပေးလိုက်ကြောင်း သတင်းဌာနများက ရေးသားဖော်ပြသည်။
 
 
စက်တင်ဘာလ ၃ရက်နေ့၊ မြောက်ကိုရီးယားကနျူကလီးယားဗုံး(အဆင့်မြင့်ဟိုက်ဒရိုဂျင်ဗုံး) စမ်းသပ်ဖောက်ခွဲခဲ့ရာအမေရိကန်ပြည်ထောင်စုသာမက ကမ္ဘာ့နိုင်ငံ အတော်များများက မကျေမနပ်ဖြစ်ခဲ့ကြသည်။ ယင်းဖြစ်ရပ်ကြောင့် လုံခြုံရေးကောင်စီ အရေးပေါ်ဆွေးနွေးပွဲပြုလုပ်ပြီး ဆုံးဖြတ်ချက်တစ်ရပ်ချမှတ်ရန် ၀ါရှင်တန်အစိုးရက ကြိုးပမ်းလာခဲ့သည်။
 
 
 
 
Credit - The VOICE Daily