နောက်ဆုံးအကြိမ်ကြေညာသည့် မဲစာရင်းလာရောက်ကြည့်ရှူသူနည်းပါး

ကြားဖြတ်ရွေးကောက်ပွဲအတွက် မဲစာရင်းတွေနဲ့ ပတ်သက်ပြီး နောက်ဆုံးအကြိမ် ပြင်ဆင်ဖြည့်စွက်နိုင်ဖို့ အောက်တိုဘာ(၁)ရက်ကနေ (၁၄)ရက်အထိ ကြေညာခဲ့ပေမယ့် ရန်ကုန်မှာတော့ လာရောက်ကြည့်ရှူစစ်ဆေးသူနည်းပါးခဲ့တယ်လို့ သိရပါတယ်။
ရန်ကုန်တိုင်းရွေးကောက်ပွဲ ကော်မရှင်အဖွဲ့ခွဲရဲ့ အချက်အလက်တွေအရ မဲဆန္ဒရှင်တစ်သိန်းဝန်းကျင်ရှိတဲ့ တာမွေမြို့နယ်မှာတော့ မဲစာရင်းမှန် မမှန် လညရောက်ကြည့်ရှူစစ်ဆေးသူ တစ်သောင်းခုနှစ်ထောင်သာရှိခဲ့ပြီး မဲပေးခွင့်ရှိသူ တစ်ထောင့်လေးရာဝန်းကျင်ရှိတဲ့ ဆိပ်ကမ်းမြို့နယ်မှာတော့ မဲစာရင်းလာရောက် ကြည့်ရှူသူ ခြောက်ရာသာရှိခဲ့ပါတယ်။
ဒါကြောင့် မဲစာရင်းလာရောက်ကြည့်ရှူသူ တာမွေမှာ (၁၇)ရာခိုင်နှုန်း ဆိပ်ကမ်းမှာ(၄၃)ရာခိုင်နှုန်းရှိခဲ့တာဖြစ်ပါတယ်။ ပြီးခဲ့တဲ့ ဇူလိုင်လအတွင်း ပထမအကြိမ်မဲစာရင်းကြေငြာတုန်းကတော့ မဲစာရင်းမှန် မမှန်လာကြည့်သူ တာမွေမြို့နယ်မှာ (၁၃.၇)ရာခိုင်နှုန်းနဲ့ ဆိပ်ကမ်းမြို့နယ်မှာတော့ (၄၆.၈)ရာခိုင်နှုန်းရှိခဲ့ပါတယ်။
အခုနောက်ဆုံးအကြိမ် မဲစာရင်းကြေညာအပြီးမှာတော့ ရန်ကုန်မှာ မဲစာရင်းမှာအမည်မပါလို့ ထပ်ဖြည့်သူ(၈၄၀)ဦးရှိပြီး အချက်အလက် ပြင်ဆင်ဖြည့်စွက်တာ(၂၁၀)ဦးနဲ့ နာမည်ထပ်နေတာနဲ့ သေဆုံးသူပါဝင်နေတာတွေအတွက် အမည်စာရင်းပယ်ဖျက်ဖို့ တောင်းဆိုကာ(၂၅၀)ဦးရှိခဲ့တယ်လို့ သိရပါတယ်။
၂၀၁၈ ကြားဖြတ်ရွေးကောက်ပွဲကို နိုဝင်ဘာ(၃)ရက်မှာ ကျင်းပမှာဖြစ်ပြီး တစ်နိုင်ငံလုံးက လစ်လပ်မဲ ဆန္ဒနယ် (၁၃)နေရာမှာ ပြုလုပ်မှာဖြစ်ပါတယ်။ နိုင်ငံရေးပါတီ(၂၄)ခုက ကိုယ်စားလှယ်(၆၂)ဦးနဲ့ တစ်သီး ပုဂ္ဂ္ဂလ(၇)ဦး  စုစုပေါင်း ကိုယ်စားလှယ်(၆၉)ဥိးက ၀င်ရောက်ယှဉ်ပြိုင်ကြမှာပါ။ရန်ကုန်မှာတော့ ပါတီ(၁၀)ခုက ကိုယ်စားလှယ်(၁၆)ဦးနဲ့ တစ်သီးပုဂ္ဂ္ဂလတစ်ဥိး စုစုပေါင်း(၁၇)ဦးက ပါဝင်ယှဉ်ပြိုင်ကြမှာဖြစ်ပါတယ်။
ကြိုတင်မဲနဲ့ ပတ်သက်ပြီး ပြည်ထောင်စုအဖွဲ့အစည်းဝင်တွေ၊ပြည်နယ်နဲ့တိုင်းအဆင့် အဖွဲ့အစည်းဝင်တွေနဲ့ ရွေးကောက်ပွဲနေ့မှာ တာဝန်ထမ်းဆောင်ရမယ့် ဌာနဆိုင်ရာ ၀န်ထမ်းတွေအနေနဲ့ လာမယ့် အောက်တိုဘာ(၂၄)ရက်ကနေ နိုဝင်ဘာ(၂)ရက်အထိ ကြိုတင်မဲပေးနိုင်မှာဖြစ်ပြီး ရွေးကောက်ပွဲနေ့မှာ မဲမပေးနိုင်တဲ့ သက်ကြီးရွယ်အိုနဲ့ အခြားသူတွေကတော့ ခိုင်လုံတဲ့ အထောက်အထားနဲ့အတူ နိုဝင်ဘာ(၁)ရက်နဲ့ (၂)ရက်တွေမှာ မဲပေးနိုင်မှာဖြစ်ပါတယ်။