ဒေါ်အောင်ဆန်းစုကြည်နှင့် NLD ခေါင်းဆောင်များကို ရွေးကောက်ပွဲကော်မရှင် အရေးယူမည်မဟုတ်

နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် အပါအ၀င် NLD ပါတီထိပ်ပိုင်းခေါင်းဆောင်များကို နိုင်ငံရေးပါတီ ၁၃ခုက တိုင်ကြားထားသည့် ကန့်ကွက်စာနှင့် ပတ်သက်၍ ပြည်ထောင်စုရွေးကောက်ပွဲကော်မရှင်မှ
အရေးယူဆောင်ရွက်ရန် မရှိကြောင်း မေလ ၁၈ရက် နေ့ကထုတ်ပြန်လိုက်သည်။ 
 
 
 
ဒေါ်အောင်ဆန်းစုကြည်၊ NLD ပါတီနာယက သူရဦးတင်ဦးနှင့်ဗဟိုအလုပ်အမှုဆောင် အတွင်းရေးမှူး ဦးဝင်းထိန်တို့ကိုကြားဖြတ်ရွေးကောက်ပွဲတွင် နိုင်ငံပိုင် မီဒီယာများကို အသုံးပြု၍မဲဆွယ်ခဲ့သည်ဟု ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီအပါအ၀င်
၁၃ပါတီက ရွေးကောက်ပွဲကော်မရှင်ကို မေလ ၁၉ရက်နေ့ကတိုင်ကြားခဲ့ခြင်းဖြစ်သည်။
 
 
 
ပြည်ထောင်စုရွေးကောက်ပွဲကော်မရှင်၏ ထုတ်ပြန်ချက်တွင် ၂၀၁၇ခုနှစ်ကြားဖြတ်ရွေးကောက်ပွဲကျင်းပချိန်တွင် အစိုးရအဖွဲ့မှ တာဝန်ယူသည့် တစ်နှစ်ပြည့်ကာလနှင့် တိုက်ဆိုင်မှုကြောင့် ယင်းသို့ကန့်ကွက်မှုများ ဖြစ်ပေါ်လာသည်ဟုသုံးသပ်ပြီး
နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် အနိုင်ရပါတီတို့ထံမှ တာဝန်ရှိသူများက ပြည်သူလူထုကို ရှင်းလင်းတင်ပြ အသိပေးမှုသာရှိပြီး မဲဆွယ်စည်းရုံးသည့်သဘော မပါရှိခဲ့ဟုကော်မရှင်အနေနှင့် သုံးသပ်ကြောင်း ဖော်ပြထားသည်။