အစိုးရ၏ အခွန်အကောက်နှုန်းထား များပြားဟု စစ်တမ်းဆို

အစိုးရ၏ အခွန်အကောက်နှုန်းထားများသည် ကောက်သင့်သည့်နှုန်းထား များထက်ပိုမိုများပြားလျက်ရှိကြောင်း ပြည်တွင်းရှိ စီးပွားရေးလုပ်ငန်းရှင်ပေါင်း ၁၄၀၀ကျော်ကို ကောက်ယူထားသည့် " Myanmar Business Sentiment Survey" စစ်တမ်းတွင် ဖော်ပြထားသည်။
 
မေလ၂၆ရက်နေ့က ကုန်သည်စက်မှု အသင်းချုပ်တွင် ပြုလုပ်သည့် B4B Insights Forum တွင် ကုန်သည်စက်မှု အသင်းချုပ်၊ပြည်တွင်းစီးပွားရေးလုပ်ငန်းများ ဖွံ့ဖြိုးတိုးတက်ရေးကော်မတီ နှင့်MMRD Co..,Ltd တို့ပူးပေါင်းကောက်ယူထားသည့်  " Myanmar Business Sentiment Survey" ကိုထုတ်ပြန်ခဲ့ခြင်းဖြစ်သည်။
 
အခွန်အကောက်နှုန်းထားများမှာ ကောက်သင့်သည့် နှုန်းထားများထက် ပိုမိုများပြားလျက်ရှိပြီး စစ်တမ်းမေးခွန်းများ ကိုဖြေဆိုသည့် စီးပွားရေးလုပ်ငန်းရှင် ၂၂ ရာခိုင်နှုန်းမှာ အစိုးရ၏ အခွန်စနစ်ကို အပြည့်အ၀နားမလည်ဟု ဖြေဆိုခဲ့ကြကြောင်း၊ပြည်တွင်း စီးပွားရေးလုပ်ငန်းများသည် ၂၀၁၆ခုနှစ်နှင့် နှိုင်းယှဉ်လျှင် ၂၀၁၈ခုနှစ် တွင်ပိုမိုကျဆင်းလာပြီးနောင် ၁၂လတာ ကာလအတွင်း လုပ်ငန်းတိုးတက်မှုအပေါ် လုပ်ငန်းရှင်များ၏ ယုံကြည်မှုမှာလည်း ပိုမိုကျဆင်းလာကြောင်း စစ်တမ်းအရသိရသည်။
 
Cerdit- The Voice Daily