ဟာရီကိန်းအာမာကြောင့် သေဆုံးသူ(၁၀)ဦးရှိ

ဟာရီကိန်းမုန်တိုင်း အာမာဟာ ကာရေဘီယံဒေသကို ဖြတ်သန်းတိုက်ခတ်ခဲ့ပြီး ကျွန်းတွေမှာ အပျက်အစီးတွေဖြစ်စေခဲ့ သလိုမုန်တိုင်းကြောင့် သေဆုံးသူအနည်းဆုံး(၁၀)ဦးရှိခဲ့ပါတယ်။ ကာရေဘီယံဒေသက ပြင်သစ်ပိုင် စိန့်မာတင်ကျွန်းကို မုန်တိုင်းဝင်တိုက်ခဲ့လို့ အပျက်အစီးတွေဖြစ်ခဲ့ပြီး စိန့်မာတင်ကျွန်းနားက ဘာဘူဒါကျွန်းငယ်မှာလည်းနေထိုင်ဖို့ အခက်အခဲတွေ ဖြစ်နေပါတယ်။ဘာဘူဒါကျွန်းမှာရှိတဲ့ အဆောက်အအုံတွေရဲ့(၉၅)ရာခိုင်နှုန်းဟာ အပျက်အစီးတွေဖြစ်သွားခဲ့ တာကြောင့် နေထိုင်လို့မရတဲ့အထိဖြစ်နေတယ်လို့ သိရပါတယ်။

ဘာဘူဒါ ကျွန်းနေပြည်သူ (၅၀)ရာခိုင်နှုန်းဟာ မုန်တိုင်းကြောင့်အိုးအိမ် ပျက်စီးခဲ့ပြီး ပြန်လည်တည်ဆောက်ရေးစရိတ်ဟာ အမေရိကန် ဒေါ်လာသန်း (၁၀၀)လောက်ရှိမယ်လို့ ကျွန်းအာဏာပိုင်တွေက ပြောပါတယ်။ မုန်တိုင်း နောက်ဆက်တွဲ အနေနဲ့ မိုးကြီးတာနဲ့လေပြင်းတွေ တိုက်ခတ်နေတာကြောင့် ပေါ်တိုရီကို ဒေသခံ (၁)သန်းခွဲလောက်ဟာ လျှပ်စစ်မီး ပြတ်တောက်တဲ့ဒဏ်ခံနေရပါတယ်။ နောက်ထပ်ရက် အနည်းငယ်ကြာ လျှပ်စစ်ပြတ်တောက်ဦးမယ်လို့ ဒေသအာဏာပိုင်တွေက ပြောပါတယ်။

အပျက်အစီး ပမာဏကတိုးနေတဲ့အတွက် သေဆုံးသူဦးရေဟာလည်း တိုးလာဖို့ရှိနေပါတယ်။ ဟာရီကိန်းမုန်တိုင်း အာမာဟာအဆင့်(၅) ဟာရီကိန်းမုန်တိုင်းအဖြစ် ရောက်ရှိနေပါတယ်။ ဟာရီကိန်း မုန်တိုင်းအာမာဟာ တစ်နာရီကို(၁၈၀)မိုင်နှုန်းနဲ့ ပေါ်တိုရီကိုမြောက်ပိုင်းကို တိုက်ခတ်နေပါ တယ်။ ဒါ့ပြင် နောက်ထပ် မုန်တိုင်း(၂)ခုဟာလည်း ဟာရီကိန်းမုန်တိုင်းတွေအဖြစ် ပြောင်းလဲနိုင်ချေ ရှိနေတယ်လို့ မိုးလေ၀သ သတင်းတွေမှာဖော်ပြနေပါတယ်။