ဘင်္ဂလားပြန်ဒုက္ခသည် ၆၀ကျော်ကို အစိုးရ ပြန်လည်လက်ခံ

ဘင်္ဂလားဒေ့ရ်ှနိုင်ငံမှ မိမိသဘောဆန္ဒအလျောက် ပြန်လာသည့် နေရပ်စွန့်ခွာ ၆၂ဦးကို မြန်မာအစိုးရက ငါးခူရ ပြန်လည်လက်ခံရေး စခန်းတွင် စတင်လက်ခံလိုက်ပြီဖြစ်ကြောင်း နိုင်ငံတော်အတိုင်ပင်ခံရုံးက မေလ၂၇ရက်တွင် သတင်းထုတ်ပြန်ခဲ့သည်။
 
မိမိသဘောဆန္ဒဖြင့် ပြန်လည်ဝင်ရောက်လာသော နေရပ်စွန့်ခွာသူများကို အကြမ်းဖက်မှုများတွင် ပါဝင်ခဲ့ခြင်းရှိ၊မရှိ စိစစ်ပြီးနောက် ပြစ်ဒဏ်လွတ်ငြိမ်းခွင့်ပြုခဲ့သူ ၅၈ဦးနှင့် တရားစွဲဆိုမှု ရုပ်သိမ်းခဲ့သူ ၄ဦး ၊စုစုပေါင်း ၆၂ဦးကို မေလ၂၆ရက် တွင်ဘူးသီးတောင်မှ ငါးခူရ ပြန်လည်လက်ခံရေး စခန်းသို့ ပို့ဆောင်ပေးခဲ့ကြောင်း အဆိုပါသတင်းထုတ်ပြန်ချက်အရ သိရသည်။
 
ထို့ပြင် အဆိုပါ လက်ခံထားသူများကို နှစ်နိုင်ငံ သဘောတူညီချက်များနှင့် အညီ လိုအပ်သည့် ပုံစံများ  ဖြည့်စွက်ခြင်း၊စိစစ်ခြင်းတို့ကို ပြုလုပ်ပြီးနောက် လှဖိုးခေါင်ကြားစခန်းတွင် ခေတ္တနေရာချထားမှုများ ဆက်လက်ဆောင်ရွက်သွားမည်ဖြစ်ကြောင်း ထုတ်ပြန်ချက်တွင် ဖော်ပြထားသည်။
 
Cerdit- The Voice Daily