တိုက်ရိုက်လျှောက်ခွင့်ရ တက္ကသိုလ်ဝင်ခွင့်ရသူများစာရင်း ထုတ်ပြန်မည့်ရက်ရွှေ့ဆိုင်း

တိုက်ရိုက်လျှောက်ခွင့်ပြုလိုက်သည့် တက္ကသိုလ် ၁၁ ခုလုံး၏ ကျောင်းဝင်ခွင့်ရသူများစာရင်းကို မူလသက်မှတ်ရက်တွင် ကြေညာမည်မဟုတ်တော့ဘဲ စက်တင်ဘာလလယ်ပိုင်းရောက်မှသာ ကြေညာပေးတော့မည်ဖြစ်ကြောင်း အဆင့်မြင့်ပညာဦးစီးဌာနက သတင်းထုတ်ပြန်သည်။
တက္ကသိုလ် ၁၁ ခုအနက် အများစုက ကျောင်းဝင်ခွင့်ရသူများစာရင်းကို သြဂုတ်လ ၁၅ ရက်တွင် ထုတ်ပြန်မည်ဖြစ်ကြောင်း မူလကကြေညာထားပြီးဖြစ်သော်လည်း စက်တင်ဘာလ ၁၇ ရက်ရောက်မှသာ တက္ကသိုလ် ၁၁ ခုလုံး၏၀င်ခွင့်ရသူများ စာရင်းကို တစ်ပြိုထည်းကြေညာမည်ဖြစ်သည်။
ရန်ကုန်နိုင်ငံခြားဘာသာတက္ကသိုလ် ပါမောက္ခချုပ် ဒေါက်တာကြည်ရွှင်က ဆေးတက္ကသိုလ်တက်ရောက်မည့်သူများ အတွက် ပိုမိုလွယ်ကူစေရန် တက္ကသိုလ် ပါမောက္ကချုပ်များနှင့် အဆင့်မြင့်ပညာဦးစီးဌာန  တာဝန်ရှိသူများ အစည်းအဝေးပြုလုပ်ပြီးနောက် ယခုကဲ့သို့ရက်ရွှေ့လိုက်ခြင်းဖြစ်ကြောင်း သြဂုတ်လ ၇ ရက်တွင်ပြောကြားသည်။
ရန်ကုန်နည်းပညာတက္ကသိုလ်၊ မန္တလေးနည်းပညာတက္ကသိုလ်၊ နည်းပညာတက္ကသိုလ် (မန္တလေး)၊ သတင်းအချက်အလက်နည်းပညာတက္ကသိုလ်၊ မန္တလေးကွန်ပျူတာတက္ကသိုလ်၊ ရန်ကုန်တက္ကသိုလ်၊ မန္တလေးတက္ကသိုလ်၊ရန်ကုန်စီးပွားရေးတက္ကသိုလ်၊ ရန်ကုန်ပညာရေးတက္ကသိုလ်၊ ရန်ကုန်နိုင်ငံခြားဘာသာတက္ကသိုလ်နှင့် မန္တလေ်းနိုင်ငံခြားဘာသာတက္ကသိုလ် တို့က ကျောင်းဝင်ခွင့်ကို တိုက်ရိုက်ရွေးချယ်ခြင်းဖြစ်သည်။
 

 

Credit - The Voice