ကင်ဂျုံအွန် ထရမ့်နှင့် တွေ့ဆုံလိုသည့် ဆန္ဒ တစ်သမတ်တည်းရှိခဲ့ ထိပ်သီးတွေ့ဆုံပွဲဖြစ်နိုင်ခြေ အလွန်ကောင်းမွန်နေဟု ထရမ့်ဆိုပြန်

မြောက်ကိုရီးယားခေါင်းဆောင် ကင်ဂျုံအွန်က ၎င်းသည် အမေရိကန်သမ္မတ ဒေါ်နယ်ထရမ့်နှင့် တွေ့ဆုံဆွေးနွေးလိုသည့် ဆန္ဒတစ်သမတ်တည်းရှိကြောင်း ပြောဆိုခဲ့သည်။သမ္မတထရမ့်ကလည်း ထိပ်သီးတွေ့ဆုံပွဲဖြစ်နိုင်ခြေ ပြုလုပ်နေပြီး အလားအလာကောင်းမွန်နေကြောင်း ပြောဆိုခဲ့သည်။
 
စီစဉ်ထားသည့် အတိုင်း ဇွန်၁၂ရက် စင်ကာပူတွင် ကင်ဂျုံအွန်နှင့်တွေ့ဆုံရန် စဉ်းစားဆဲဖြစ်ကြောင်း ၊ကင်ဂျူံအွန်နှင့် သမ္မတမွန်းဂျေအင်တို့ ထပ်မံတွေ့ဆုံခဲ့ခြင်းသည် အလွန်ကောင်းမွန်ကြောင်းလည်းပြောဆိုခဲ့သည်။
 
ကင်နှင့်မွန်း မေ၂၆ရက်၌ ရုတ်တရက် တွေ့ဆုံခဲ့မှုနှင့် ပတ်သက်၍ ဥက္ကဋ္ဌကင်ဂျူံအွန်သည် အမေရိကန်သမ္မတ  ဒေါ်နယ်ထရမ့်နှင့် သမိုင်းဝင် တွေ့ဆုံဆွေးနွေးလိုသည့် ဆန္ဒ တစ်သမတ်တည်းရှိကြောင်း၊ငြိမ်းချမ်းရေး တည်တံ့မည့်  အမြဲတန်း လုပ်ထုံးလုပ်နည်းတစ်ရပ် ထူထောင်ရန် နှင့်ပြန်လည်ပေါင်းစည်းရေးနှင့် ညီညွတ်ရေးခေတ်သစ်တစ်ခု ဖွင့်လှစ်ရန် တောင်းဆိုခဲ့ကြောင်း မြောက်ကိုရီးယားက ထုတ်ပြန်ခဲ့သည်။
 
မွန်းကကင်သည် ထရမ့်နှင့် တွေ့ဆုံရေးနှင့် ကိုရီးယားကျွန်းဆွယ် အပြည့်အ၀ နျူကလီးယားကင်းစင်ရေးမူဝါဒကို  ဆက်လက်ကိုင်စွဲထားဆဲဖြစ်ကြောင်း ပြောဆိုခဲ့သည်။ဇွန်၁၂ရက်တွေ့ဆုံပွဲကို ပယ်ဖျက်ကြောင်း သမ္မတထရမ့်ကကြေညာခဲ့ပြီး ၂၄နာရီအတွင်း ကင်နှင့်မွန်းတို့သည် အံ့အားသင့်ဖွယ် ရုတ်တရက်  တွေ့ဆုံခဲ့ကြောင်းဖြစ်သည်။
 
Cerdit-  Myanmar Times Daily